Minister chuan Aizawl Smart City Ltd hi Ministry atanga a tawp tawh hnuah Mizoram sawrkar chuan kum khat atan March, 2026 thleng a pawtsei a, pawhsei zel tlak ni tura tan la lehzual turin Aizawl Smart City Ltd hnuaia hnathawktute fuihin kan hnathawh a lungawi thlak loh chuan tihtawp mai theih a nih thu Aizawl Smart City Ltd hnathawktute a hrilh.

Minister chuan hun bituk chhunga project zawh hman pawimawh thu sawiin Smart City project te thawh zawh a nih hunah Aizawl mipui te pawhin nasa taka an tangkaipui dawn avangin lawmawm a tih thu a sawi.

He hunah hian Smart City CEO CC Lalchhuangkima chuan Smart City hnuaia project hna thawh mek 16 te dinhmun tlangpui report pein project tam zawk chu March, 2026 chhunga thawh zawh hman an inbeisei thu te, hmanraw thenkhat, Mizoram pawn leh India ram pawn atanga lakluh ngai chuan beisei aia hun a duh rei thin avangin an project tlema zawng chu hun bituk chhunga an zawh theih loh tur thu a tarlang tel bawk.

Minister hi UD&PA Secretary Lalmalsawma Pachuau bakah Zarzokimi, Jt.Secy. te, Jacob Lalawmpuia Director leh UD&PA officer engemaw zatin an tawiawm niin sorkar thuchhuah chuan a tarlang.